تخيلو السحالي يخطبون التماسيح

[ام سجاد]

السحالي يخطبون التماسيح


يالله يالتماسيح تخيلوا ونبسطوووووو ههههه


يعني تتفاجأ في يوم وانت قاعد تقرا كتاب رومانسي وأنواع الأحلام


الورديه (واااااااو) و سرحان في فارسة احلامك على الحصان الابيض..



الا و امك داخله عليك و توها يايه من شـاي الضحى

و تقولك: يا ولدي ودي اكلمك في موضوع. .


ترد انت بكل خوف : خير يمه وش فيه

تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها شرايك

تنزل انت راسك في الارض و تلعب بصبعك في شعرك (او شنبك) و ترد و انت مستحي و خدودك حمره (هذا اذا كنت محلق اللحيه) و تقول: ....

الراي رايك والشور شورك يايمه..

تقول امك: انا بصراحه ما اشوف في البنت شي. .


ماشالله عليها محترمه و وظيفتها زينه و راتبها ممتاز و من عايله محترمه

ولا عندها سوالف السفر و الخرابيط و ما تشرب ولاتدخن و لا تروح شقق بنات. يعني بنت ما عليها...


تقول انت : بس يا يمه اهيا ما شافتني من ولا مره انا دايما متلطم بشماغي


تقول امك: اهيا شافتك و انت نازل من باص المدرسه بس ..

و سألت عنك و قالو لها خوش ولد مهو راعي سوق و كوفي شوب و ما يطلع الا مع ابوه.

و تراها هي و امها جايين يوم الخميس علشان يشوفونك..

تسال انت: اوكي يا يمه ابوي ويش رايه

تقول امك: ابوك ما يدري خليه حايس في المطبخ الله يعينه..

تقول انت :اللي تشوفينه يمه. .وتطلع امك من الغرفه

وتنط انت قدام المرايه و تاخذ نص لفه يمين و نص لفه شمال تشوف جسمك و تمشط شعرك و شنبك بدلع

و تقول : اه اخيرا حسَت و خطبتني.

و قبل يوم الخميس تروح انت لكوافيير و تكون مسوي حجز و تقعد و تصبغ شعرك (هاي لايت) و تزين حواجبك و تطلع وااااااااااااااااو ولا احلى من هيك

وتجى البيت و تلبس الثوب اللي فصلته عند المصمم( واحد نفر)

لثياب الاعراس الحفلات واللي فيه فتحه من عند الساق و فتحه في الظهر و ذاك المكياج وذاك العطر اللي يشق الخشم و تنزل للصاله

ويقولك ابوك : يالله دخل العصير على خطيبتك ترى امك ذبحتنا تسال عنك

تقول انت بكل خجل: وي وي يا يبه انا استحي

ابوك يقولك وهو يطق على كتفك و يضحك يا ولد روح لعروسك

تقول انت: يا يبه دايما تحرجني انت وي وي

و تاخذ صينيه العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم السسسسلام عليكم

ترد هي بعد ما وقفت و عليكم السلام

و تقولها تفضلي....

تقول هي: ايش الاحلى العصير الاحمر و لا الاصفر تبي تلطف الجو معاك ...تتلصق

تقول انت: كله حلو

تقول هي: اكيد كله حلو لانك انت اللي مسويه

و تحط الصينيه بسرعه و يدك على فمك و تضحك و تروح داخل بسرعه

ياربييييييييييي

الا اخوانك ينطرونك و يقولون: ها شلون شكلها شقالتلك

تقول انت: وي وي تهبل تهبل حلوه و دمها خفيف و ذوق

الا ابوك من المطبخ يلولوش (يزغرط بالمصري) >>>> في ناس يحبون المصري


لللللللوووولللللوووووشششش شششش مبروك يا ولدي

الا بدخلة اختك العربجيه من بره و حاطه عبايتها على كتفها و تقول : خير وشفيكم !

يقوله ابوك : قصري صوتك في وحده داخل جايه خطبت اخوك ..
تقول اختك: اهيا وين شافت اخوي علشان تخطبه هاه و تعطيك كف و تصرخ والله لاوريها شغلها ...

الا بدخلة امك و تسطر اختك كف و تطلع اختك بالسياره و تفحط و تروح للاستراحة البنات <..اما عاد هذي قويه بس حلوه تخيلوا ههههههههههه

و تمر الايام و انت تجهز ثوب العرس و الكوشه و بيت الزوجيه و خلال هالفترة تمرك زوجتك بالسياره تتمشون و تحاول انها تمسك ايدك و انت مستحي

ويجي يوم العرس
و تقعد انت في الكوشه و كل الشباب حواليك يرقصون و يغنون على انغام طيران فرقة للرجال و طبعا مافيه صيته او العنود وساره

وشوي الا العفسه قايمه : ترى العروس جايه

و ينطون الرجال و الشباب كلن يلبس شماغه و يتلطم ..

و تدخل العروس مع امها و خواتها (خواتها يتيميلحون قدام الشباب ) و تقعد العروس يمك و ترفع الطرحه و تقولك: الله صاير مثل القمر

ثم تلف وجهك وانت مستحي


وبعد كم اسبوع


الا انت تصرخ في الليل وتعبان ويودونك المستشفي

و تاخذها زوجتك فرصه و تسافر مع البنات و يهيصون قبل ما تخلص مده شفائك الله يساعدك

و ترجع لبيتك تربي عيالك و تطبخ الغدا لزوجتك

وتتهاوشون ساعات و تنام و دمعتك على شنبك

ويزيد حدة الخلاف و تاخذ شماغك و عيالك و تروح لبيت اهلك

[البعد جارح]

ههههههههه
ههههه

تتوقعون بجي الزمن اللي زي هذا

باقي بعد المرة تضرب الرجال
وتصرف عليه

هههههه

‘‘ ام سجاد ‘‘

االه يقطع سوالفش
ضحكتيني ونا ما ابي اضحك

‘‘ ام سجاد ‘‘
موضوع جميل
مثل كاتبه


تقبلي مروري المتواضع

إإإإإ البعد جارح إإإإإ

[بقية الله]

أم سجاد
أما هذي كثرو منها
وحلم ابليس بلجنة
هع هع هع هع
ومثل ماقال البعد جارح ضحكتيني وأنا مو مشتهي اضحط
عاد ماضلت الى تجون تخطبون الشباب وتتحكون فيهم
بس يالله تخيلو الي تبوع الحلم بلاش

أخوك
بقية الله...

[ام سجاد]

يؤ يؤ عاد انتو اصلا فرحتو تخيلتو نفسكم تنخطبون بس مسوين فيها شنب وماتبون تبينون فرحتكم يسلمو خيو البعد جارح على المرور وانت بقية الله نورتنا

[خادم المهدي ع]

أختي أم سجاد

لفته جميله ومضحكه ... ولكن في اي زمن سوف يكون كذالك اتصور انه في زمن بعيد الخيال

وبحقيه لو تجي لي أمي تقولي تراه جارتنه ام وائــل >>> طبعآ اسم مو صحيح بس كذاا <<

وتقولي خطبتك لي بنتها ... كان أقول موافق متى زواج .... شكلك الولد يحب يكمل نصف دينه مو مهم أنا الي أخطب او هي ... بس المهم أكمل نصف ديني ...


أختي تقبل كل الشكر وتقدير ...

شكرآ

[ام سجاد]

ههههههههه خادم المهدي عجبته السالفه على كلن نورتنا يسلمو على مرورك

[روح نقيه]

ههههههههههههههههههه ايواااااااا اختي ام سجاد حيلج فيهم ههههههه والله فلة كل العوانس تتزوج وتقولي هذا الريال حلي ملي

[بقية الله]

روح نقيه
أي أحلمي الحلم بلاش ماعليه
بتقلب كلشي يعني الرجال هم الي يعنسو بعدين هااااااااااااااااا
بس لاتخافين روح حلم ابليس بلجنة

[ام سجاد]

ليش حلم ابليس بالجنه عادي يمكن يجي يوم وتصير مهي صايره في الهند البنت تدورلها خطيبها بمزاجها بكره تجي وحده يابقية الله تقولك انت مو حلو يعععععع هههههههههههه
وشعرك مو شي ولا جسمك بشع طبعا مثل ماتقولو على البنات رح يقولو عنكم
ههههههههههههههه

[روح نقيه]

روح نقيه
أي أحلمي الحلم بلاش ماعليه
بتقلب كلشي يعني الرجال هم الي يعنسو بعدين هااااااااااااااااا
بس لاتخافين روح حلم ابليس بلجنة



هههههههههههه يعني كلش الحين بنموت عليكم احنا والله لو ما ان الزواج ضروري جان قعدت بيبت ابوي احسن لي بس موبي عناد فيك بقية الله ماني متزوجه :p

[بنت الحب]

هههههههههههههههههههههههههههههههههههههههههاي

حلوه كان انخلي الشباب عوانس

وترقيم هههههههههههههههههههههههههههههههه

مشكوووووووه خيتو على الموضوع الطريف وتسلم الايادي

تحياتي لك

بنوته

[عيون الأمل]

ههههههه خووووش شغله هذي هههههه

تسلمين عزيزتي الله يعطيج العافيه